Янгын чыккан йортта бала да булган...

Уфада Калужская урамындагы бер катлы бүрәнә йортта янгын чыккан. Чакыруга килгән янгын сүндерүчеләр янгынны сүндергән. Бу хакта  Гадәттән тыш хәлләр министрлыгының Башкортстан буенча баш идарәсе хәбәр итә.

Ут шулай ук янәшәдәге ике катлы йортны һәм янкормага да күчеп өлгергән була.

Билгеле булуынча, коткаручылар килгәнче, бинадан өч кеше, шул исәптән бала да чыгып өлгерә алган.

Әлеге вакытта ашыгыч хезмәтләр янгынның барлык нечкәлекләрен һәм шартларын ачыклый.

Көннәр салкынайта, янгыннардан сак булыгыз!

Фото:МЧС Башкирии