12 яшьлек бала гына исән калган

Баймак районында "Chevrolet Cruze" автомобиле  әйләнеп капланган. Өч кеше урында һәлак булган, бары тик 12 яшьлек малай гына исән калган.

Авария 7 август кичендә Бәкеш-2 нче Иткол автоюлының 10 чакрымында булган. Беренчел мәгълүматлар буенча, 39 яшьлек "Chevrolet Cruze" водителе борылышта идарә итүне башкара алмаган һәм кюветка төшеп капланган.

Юл-транспорт һәлакәте нәтиҗәсендә водитель һәм аның ике пассажиры, 41 һәм 34 яшьлек ир-егетләр, ашыгыч медицина ярдәме килгәнче вафат булган. Шулай ук автомобиль салонында 12 яшьлек малай булган, аны җәрәхәтләр белән авария урынына килгән медицина хезмәткәрләре дәваханәгә алып киткән.

Юл-транспорт һәлакәтенең сәбәпләре ачыклана. Юлларда сак һәм игътибарлы булыгыз, әти-әниләр!

Фото: ГАИ