Биш игезәк — биш бәхет!

Күмертауда агымдагы ел башыннан биш игезәк бала туган, дип хәбәр итә үзенең Телеграм-каналында дәүләт юстиция комитеты рәисе Владимир Спеле.

Бишенче пар сабыйлары Владислав Радик улы һәм Филүзә Рәфис кызы Тойгилдиннар гаиләсендә дөньяга килгән. Ике кыз туган, әти-әнисе игезәкләргә Арина һәм Дарина исемнәре сайлаганнар. Өйдә кызларны абыйлары Динислам һәм апалары Милана көтә.

Күпбалалы әтигә урындагы ЗАГС бүлегендә балаларының беренче документларын — туу турында таныклык тапшырганнар.

Балаларның сәламәт, бәхетле булып, әти-әни канаты астында үсүләрен телибез!

Фото:ТГ-канал Владимира Спеле