Янган йорттан чыгып котыла алганнар

Башкортстанда дүрт кеше, шул исәптән бер бала, үзаллы рәвештә янган йорттан чыгып котыла алган. Бу хәл Уфаның Дим районында булган, дип хәбәр итә Гадәттән тыш хәлләр министрлыгының төбәк буенча Баш идарәсе матбугат хезмәте.

Русия Гадәттән тыш хәлләр министрлыгы янгын сүндерүчеләре Баланово урамындагы 124 квадрат метр мәйданда урнашкан бер катлы бүрәнә йортта барган янгынны сүндергән.

Башлангыч фаразлаулар буенча, янгын электр үткәргечләрендәге төзексезлек аркасында килеп чыккан. Тикшерү бара.

Фото: МЧС по РБ