Башкортстанда ике кыз югалган

Стәрлетамакта 16 яшьлек ике кыз югалган. Рената Пазылова һәм Валерия Барменкованың кайда булуы 28 ноябрьдән бирле билгеле түгел, дип хәбәр итәләр «Отклик»эзләү отряды волонтерлары «Вконтакте» социаль челтәрендә.

Ренатаның билгеләре: буе 160 сантиметр, какча гәүдәле. Югалган көнне кара спорт костюмы кигән була.

Валериянең билгеләре: буе 160 сантиметр, чәчләре кара төстә. Ул көнне ак блузка, кара чалбар кигән була.

“Кызларның кайда булуы турында нинди дә булса мәгълүматка ия булганнарның барысыннан да 8-987-10-60-601 яки 102 телефоннары аша хәбәр итүләрен сорыйбыз", — дип мөрәҗәгать итәләр иреклеләр гражданнарга.

Фото: Поисково-спасательный отряд "Отклик", Vk