Ике эчемлек бавырны юкка чыгара

Беренче карашка зыянсыз  тоелган кайбер эчемлекләр бавырга хәмердән дә ныграк зыян китерә.  Бу хакта табиб-диетолог Ирина Бородина үзәк басмаларга биргән интервьюсында сөйләгән.

Кеше спиртлы эчемлекләр кулланмаска , ләкин аның бавыры белән җитди проблемалары булырга мөмкин. Бу органга башка эчемлекләр дә йогынты ясый, дип кисәтә табиб. Белгеч әйтүенчә, ике эчемлек бавырны алкогольдән дә көчлерәк юкка чыгара ала.

Аерым алганда, бу органның сәламәтлегенә шикәрле эчемлекләр зыян сала. Аларны даими кабул итү бавырда май туплануга, вакыт узу белән май гепатозы күпкә җитдирәк патологияләргә үсәргә, тукымаларның җәрәхәтләнүенә һәм күзәнәкләрнең зарарлануына китерергә мөмкин.

"Энергетиклар һәм башка татлы эчемлекләр составындагы артык шикәр  симерүгә, канда инсулинның артуына һәм тукымаларның инсулинга сизгерлеген киметүгә китерергә мөмкин. Энергетикларны күп һәм еш куллану бавырда ялкынсыну процессына (стеатогепатит) китерергә мөмкин икәнлеген исбатлый торган тикшеренүләр дә бар", - ди Бородина.

Моннан тыш, татлы газлы эчемлекләр дә бавырга җитди зыян сала. Алар шикәрсез дә  була, әмма аларның составында татлы тәм һәм хуш ис бирә торган төрле өстәмәләр бар. Бу матдәләрне таркату органга югары йөкләнеш тудыра, ә мондый эчемлекләрдә булган шикәр алмаштыргычлар эчәк микрофлорасына һәм матдәләр алмашу процессларына тискәре йогынты ясый, бу да ахыр чиктә бавырга май катламнары булдырырга “ярдәм итә”.

Ирина Бородина татлы эчемлекләрне эчүдән баш тартырга киңәш итте. Табиб сүзләренчә, бавырны сәламәт тотарга яшел чәй, кара кофе, какао, әче сөтле эчемлекләр, чиста су ярдәм итә.

Автор фотосы.