Студент балаларыгызны кисәтеп куегыз!

Мошенниклар студентларны алдарга тотынган. Телефон аферистларының яңа схемасы турында “ТАСС” агентлыгы хәбәр итте.

Аферистлар студентларга деканат исеменнән шалтырата һәм “дәүләт хезмәтләре” ярдәмендә СЦОСта (заманча санлы белем бирү мохите) теркәлүне таләп итәләр. Аларның төп максаты – WhatsAppка шалтырату вакытында экранны күрсәтү аша корбаннарның шәхси мәгълүматларын күрү. Әгәр мошенник теләгәнен эшли алмый икән, студент балаларына йогынты ясауны таләп итеп, ата-аналарына шалтырата башлыйлар.

Бер студент инде кармакка эләккән, аңа 120 мең сум кредит рәсмиләштергәннәр, дип хәбәр ителә.

Автор фотосы.