Өчесенең умыртка сөяге сынган, дүртенчесе...

Соңгы өч көн эчендә умыртка сөяге сынган өч пациент һәм баш сөяге-мие җәрәхәте белән бер пациент Күмертау шәһәр дәваханәсенә эләккән. Социаль челтәрләрдә югары категорияле табиб-нейрохирург Павел Петрунин хәбәр итүенчә, барлык имгәнүләр дә тюбингта шуганда алынган.

"Бу төр җәрәхәтләр кичекмәстән медицина ярдәме һәм хирургия тыкшынуын таләп итә. Без оператив рәвештә барлык тиешле тикшерүләрне һәм операцион дәвалауны уздырдык", - дип мәгълүмат биргән табиб.

Мондый җәрәхәтләрне булдырмас өчен ул хәвефсезлек кагыйдәләрен үтәргә киңәш итә:

Шуу өчен җиһазландырылган битләүләрне генә сайлагыз.

Саклагыч кирәк-яраклар кулланыгыз.

Тулы трассаларда йөрмәгез.

Балаларны хәвефсезлек кагыйдәләренә өйрәтегез.

Моннан берничә көн элек Стәрлетамакта тюбингта шуганда 12 яшьлек кыз бетон баганага бәрелеп, җитди имгәнүләр алган. Кызганычка каршы, шушы көннәрдә булган фаҗигале очрак та республика халкын тетрәндерде. Әлшәй районында автомобиль артына бәйләнгән тюбингка утырган студент егет һәлак булды...

Фото: Павел Петрунин, VK