Балаларга бозылган ит ашатмакчы булган

Стәрлетамак кешесе мәктәп ашханәсенә бозылган ит тапшырырга  маташа. Эшкуар ит һәм ит ризыкларын ваклап һәм күпләп сату белән шөгыльләнә. Башкортстан судларының берләштерелгән матбугат хезмәтендә хәбәр итүләренчә, узган елның көзендә акционерлык җәмгыяте вәкиленнән шәһәрдәге бер мәктәп ашханәсенә сыер ите китерүгә заявка бирелгән. Шул ук көнне эшкуарга түбән бәя белән сыйфатсыз сыер итен сатып алырга тәкъдим итәләр.

"Ир аңлы рәвештә, элек ветеринария-санитария экспертизасы узган товарның ветеринария документын кулланып, мәктәп ашханәсенә ит китергән. Итнең сыйфаты тиешенчә булмау сәбәпле, ашханә мәктәбенә хезмәт күрсәтүче акционерлык җәмгыяте хезмәткәре продукцияне кабул итмәгән. Шул ук көнне товар полиция хезмәткәрләре тарафыннан алына һәм тикшеренүгә юнәлтелә. Иттә “эчәк таягы төркеме бактерияләре (БКГП) " табылуы ачыкланды”, — дигән мәгълүмат бирделәр инстанциядә.

Моннан тыш, ир кайдадыр 189,6 килограмм  чи ит сатып алган  һәм, аның тиешле сыйфатта булмавын аңлап, аны сату өчен гараж боксында урнашкан туңдыргыч камерада саклаган. Сәламәтлек өчен куркыныч тудырган итне тапканнар һәм тартып алганнар.

Эшкуарга “Хәвефсезлек таләпләренә җавап бирми торган товарлар һәм продукция җитештерү, саклау, ташу яки сату, эшләр башкару яки хезмәтләр күрсәтү” мәддәсе буенча, 300 мең сумга кадәр штраф яки хөкем ителүченең ике елга кадәрге чор өчен хезмәт хакы яки башка кереме күләмендә штраф, яисә 360 сәгатькә кадәр мәҗбүри эшләр, яисә ике елга кадәр төрмә каралган.

Фото: bashinform.ru