Башыңны чүлмәккә тыксаң...

Башкортстанда 10 яшьлек малай сеңлесенең чүлмәген кызык өчен башына кигән һәм кысылып калган, дип хәбәр итә Гадәттән тыш хәлләр буенча дәүләт комитеты матбугат хезмәте.

Өйдәгеләр балага берничек тә ярдәм итә алмагач, коткаручылар чакыртырга туры килгән. МЧС коткаручылары тиз арада килеп, “әсирне” азат иткәннәр.  Махсус инструмент ярдәмендә пластмасса чүлмәкне кисеп алганнар.

Балалар үскәндә ни генә булмас... Иң мөһиме - шаярулардан җитди проблемалар килеп чыкмасын.

Фото: Гадәттән тыш хәлләр буенча дәүләт комитеты матбугат хезмәте.