Кайнап утырган чәйнекне өстенә аударган...

Санавиация Уфага кайнап торган чәйнекне өстенә аударган  7 айлык баланы китергән. Башкортстан Сәламәтлек саклау министрлыгы мәгълүматлары буенча, фаҗига өйләрендә булган — сабыйның 30 процент тәне пешкән, шул исәптән иңбашы, аркасы һәм аяклары да.

Бу коточкыч хәлдән соң сабыйны Мәсәгуть район дәваханәсенә алып килгәннәр, анда табиблар балага беренче ярдәм күрсәткән, Республика балалар клиник дәваханәсе һәм Республика пешү үзәге белгечләре белән телемедицина консультацияләре үткәргәннәр. Малайны вертолет белән Уфадагы махсуслаштырылган медицина үзәгенә күчерү турында карар кабул ителгән.

Фото:МЗ РБ