Руль артында... исерек малай

Иске Турбаслы авылында исерек үсмерне Уфа буенча дәүләт автоинспекциясе хезмәткәрләре эләктергән. Полиция хезмәткәрләре документларны тикшерү өчен “ВАЗ-2110” машинасын туктаткан. Руль артында 17 яшьлек үсмер булган. Аның белән сөйләшкәндә юл-патруль хезмәте инспекторлары хәмер исе килүен сизгәннәр. Тикшерү үткәрү өчен әнисен чакырганнар. Әмма үсмер тикшерүдән баш тарткан.

Транспорт белән идарә итү хокукы булмаган  килеш полиция хезмәткәренең хәмер куллануга медицина тикшерүе узу турындагы законлы таләбен үтәмәгән өчен аңа карата административ беркетмә төзелгән. Моннан тыш, автомобильнең дәүләт автоинспекциясе бүлекчәсендә билгеләнгән тәртиптә теркәлмәгәнлеге ачыкланган. Машинаны махсус тукталышка алып киткәннзр.

Дәүләт автоинспекциясе мәгълүматлары буенча, эш материаллары тикшерү өчен балигъ булмаганнар эшләре буенча комиссиягә тапшырылачак. Анда балигъ булмаган баланы тәрбияләүдә ата-ананың роле турындагы мәсьәлә каралачак.

Фото: Уфа буенча дәүләт автоинспекциясе