Әнисе өйдә булган да соң...

Бүген 13:30 сәгатьтә Уфа шәһәренең Бердәм дәүләт инспекциясенә Интернациональная урамындагы биш катлы йортның дүртенче каттагы фатир балконыннан бала егылып төшүе турында хәбәр килгән.  Бу хакта Уфаның Гражданнарны яклау идарәсе хәбәр итә.

Ашыгыч ярдәм бригадасы зыян күргән 2021 елгы малайны дәваханәгә илткән. Беренчел мәгълүматлар буенча, бала өйдә әнисе белән булган.

Әгәр дә тәрәзәләрне өйне җилләтү өчен ачасыз икән, кечкенә балаларны бүлмәдә үзләрен генә калдырмагыз.

Аларны тәрәзә төбендә уйнарга өйрәтмәгез, басып менәрлек предметларны ераграк алып куегыз. Балалар тәрәзәләрне ача алмасын өчен махсус фиксаторлар куегыз.

Фото:Уфаның Гражданнарны яклау идарәсе