Әти-әни табарга ярдәм итегез!

Үзләренә җылы өй, кайгыртучанлык һәм гаилә җылысы бүләк итәргә әзер булган әти-әни турында хыялланучы бертуганнар — Таһир һәм Глеб өчен гаилә эзлиләр. Ятимнәр анкетасын Башкортстанның Гаилә, хезмәт һәм халыкны социаль яклау министрлыгы бастырып чыгарды.

Таһир 2013 елда туган. Ул бик тыныч, ачык һәм ярдәмчел малай. Таһир спорт уеннарын һәм саф һавада уйнарга йөрергә ярата. Әмма аның төп сыйфаты— ярдәм итү теләге. Өлкәннәр билгеләп үткәнчә, ул һәрвакыт ярдәм кулы сузарга әзер, җыештыру эшләрендә дә, ашарга пешергәндә дә. Абый кеше энесен кайгырта, аңа һәрвакыт ярдәм итәргә әзер ул.

Глеб 2020 елда туган. Тынгысыз, кызыксынучан, әкият тыңларга яратучы сабый. Баһадирлар яки тылсымлы маҗаралар турында укыганда аның күзләре яна башлый. Глеб яшьтәшләре белән уртак телне җиңел таба. Таһир абыйсы аның өчен үрнәк һәм яклаучы.

Аларга бергә булу бик мөһим. Алар бер-берсенә ярдәм итә: Таһир Глебны кыю булырга өйрәтә, ә энесе аңа чиксез шатлык һәм җылылык бүләк итә.

Бу юлларны укыганда йөрәгегез сулкылдап куйса, берүк читтә калмагыз. Бәлки, нәкъ менә сез аларның тормышын үзгәртәчәк кешеләр булырсыз!

Бертуганнарны Русия законы нигезенә ярашлы аерырга ярамый.

Тулырак мәгълүматны (347) 218 03 62 номеры буенча алырга мөмкин.

Фото: Гаилә, хезмәт һәм халыкны яклау министрлыгы сайтыннан.