Янгын мичтән чыккан, диләр...

Әбҗәлил районында янгында 39 яшьлек хатын һәлак булган. Гадәттән тыш хәлләр министрлыгының Башкортстан буеча Баш идарәсе матбугат хезмәтендә хәбәр итүләренчә, 27 март кичендә Амангилде авылында бүрәнә йортта янгын чыккан.

Гадәттән тыш хәлләр министрлыгы һәм ирекле янгын сүндерүләр командасы 45 квадрат метр мәйданда барган янгынны сүндергән. Кызганычка каршы, янгын сүндерү барышында һәлак булган 39 яшьлек хатынның гәүдәсе табылган.

Башлангыч фаразлаулар буенча, янгын мичне эксплуатацияләү кагыйдәләрен бозу аркасында килеп чыккан. Урында тикшерү-оператив төркем һәм Русия гадәттән тыш хәлләр министрлыгының сорау алучысы эшли.

Фото: МЧС по РБ