50 яшьтә беренче тапкыр әни булды!

Уфада яшәүче хатын 50 яшендә беренче тапкыр әни булган. Бу хакта акушер-гинеколог Станислав Иваха үзенең телеграм-каналында язды.

Табиб сүзләренчә, бала табу табигый юл белән, бернинди катлаулануларсыз дөньяга килгән. Нәтиҗәдә, сабый дөньяга авырлыгы 2,5 килограммнан аз гына кимрәк булган малай туган. Күптән көтелгән йөклелек ЭКО нәтиҗәсендә тормышка ашкан.

"Хәзерге вакытта пациентка сабые белән бергә, ана булудан ләззәтләнә һәм якын арада алар Республика клиник перинаталь үзәгеннән өйләренә кайтып китәчәк. Асылда, бу —героик адым. 50 яшьтә балага узарга һәм үзаллы бала табарга (пациентка үз яшеннән шактый яшьрәк күренсә дә). Без әнине сабые туу белән чын күңелдән котлыйбыз. Аның гаиләсендә мәхәббәт хакимлек итсен, — ди табиб. 

Станислав Иваха 50дән соң тормыш бетә дип уйлаучыларга дөрес нәтиҗәләр ясарга киңәш итә.

"Бала тудыруда „мин соң таптым“дигән төшенчә юк. Һәрнәрсәнең үз вакыты. Ә табибларның бурычы  — сезгә бу авыр хезмәттә ярдәм итү өчен кулдан килгәннең барысын да эшләү”, — дип ассызыклый табиб.

Фото: Станислав Иваха, ТГ