Бала тын алудан туктаган булган...

Иглин районының Мончазы авылы янындагы Яңа Чишмә инешендә 6 яшьлек малай чак кына батып үлми калган. Коткаручылар ачыклавынча, инде сулыш алмый башлаган малайны балалар күреп калган. Алар ярдәмгә узып баручыны чакырганнар. Ир  малайны судан тартып чыгарган һәм әнисенә тапшырган.

Әнисе ашыгыч ярдәмне көтеп тормаган һәм баланы үзе дәваханәгә алып киткән. Баланы авыр хәлдә дәваханәгә салганнар. Гадәттән тыш хәлләр министрлыгының Башкортстан буенча Баш идарәсендә хәбәр итүләренчә, коткаручының исеме Данис Имаметдинов.

Берүк исән-сау терел, сабый!

Әти-әниләр, язын сулыклар янында балалар өчен бик кызыклы тоелса да, артык хәвефле, куркыныч та. Елга-күл буйларына үзләрен генә җибәрмәгез, аңлатыгыз, кисәтегез.

Фото: МЧС по РБ