Барлык яңалыклар
10

Балалар гомереме, әллә фото кадерлерәкме?!

Өч баланы җитәкләп, боз өстенә чыккан өлкәннәрне ничек аңларга?

Балалар гомереме, әллә фото кадерлерәкме?!
Балалар гомереме, әллә фото кадерлерәкме?!

Гадәттән тыш хәлләр буенча Дәүләт комитеты коткаручылары рейд үткәрү вакытында Павловка сусаклагычындагы боз өстендә якынча 7 яшьтән 9 яшькә кадәрге өч бала һәм өч өлкән кешедән торган төркемне күргәннәр. Алар Павловка паркында фотога төшү өчен сусаклагычның икенче ярына чыкканнар.

Бәхетсезлек очрагын булдырмас өчен коткаручылар кешеләрне "Славир-9У" һава мендәрендәге судно ярдәмендә каршы як ярга эвакуацияләгәннәр.

Гадәттән тыш хәлләр буенча Дәүләт комитеты коткаручылары төбәк халкына һәм кунакларга сулыклар янында булганда саклык чараларын үтәү кирәклеге турында искә төшерә.

Ашыгыч хәлләр килеп чыккан очракта кичекмәстән 112 телефоны буенча ярдәм сорап мөрәҗәгать итәргә кирәк.

 

Фото: Гадәттән тыш хәлләр буенча Дәүләт комитеты

Автор:Юлия Төхбәтуллина
Читайте нас: