Баланы эзләп табарга ярдәм итегез!

Кичә Уфада 9 яшьлек Дарина Фролова югалган. Кыз йөреп кайтырга чыгып киткән һәм өенә әйләнеп кайтмаган, дип хәбәр итәләр “ЛизаАлерт. Башкортостан” һәм “Башрегионспас" эзләү отрядлары волонтерлары.  Иреклеләр баланы эзләү өчен ашыгыч җыен игълан иткәннәр. Үзең белән СИЗ, фонарьлар, зарядкалы телефоннар, кайнар чәй, скотч алырга кирәк.

Баланың билгеләре: буе 140 сантиметр, уртача гәүдәле, чәчләре коңгырт, күзләре яшел төстә.

Өстендә кара джинс куртка, кара джинсы чалбар,кызгылт сары футболка һәм аягында ак кроссовкалар була.

Кызның кайда икәнлеген белүчеләр булса, 112, 8-937-3-102-112 яки 8-800-700-54-52 телефоннары аша хәбәр итүләрен сорыйлар.

Фото:ДПСО "БаРС" (БашРегионСпас), Vk