Сабый 26 магнит шары йоткан

Ике яшьлек малай конструктор белән уйнаганда берьюлы 26 магнит шары йоткан. Республиканың сәламәтлек саклау министры Айрат Рәхмәтуллин социаль челтәрләрдәге үзенең битендә хәбәр иткәнчә, бала уен вакытында ютәлли башлаган һәм әти-әнисе берничә магнит шарының югалуын күргән. Малайны Туймазы үзәк район дәваханәсенә китергәннәр, анда аңа күкрәк һәм корсак куышлыгы органнарының күзәтү рентгенограммасын үткәрәләр, ят предметлар табалар.

Динамик күзәтү вакытында алар урыннан күчми, эчәклек перфорациясе куркынычы барлыкка килә. Санитария авиациясе кечкенә пациентны Республика балалар клиник дәваханәсенә китергән. Табиблар балага операция ясаган һәм магнит шарларын алган. Хәзер баланың сәламәтлегенә берни дә янамый.

Белгечләр әгәр бала чит предмет йоткан икән, шунда ук медицина ярдәме сорап мөрәҗәгать итәргә кирәклеген искәртә. Ярдәм никадәр тизрәк күрсәтелсә, катлаулану куркынычы шулкадәр азрак булачак.

Фото:минздрав РБ