Улымны сыйныфтан куалар...

Уфада яшәүче хатын шәһәр мәктәпләренең берсендә укучы улын эзәрлекләүгә зарланган. Аның сүзләренчә,  ата-аналар хәтта аның баласын сыйныфтан куып чыгару өчен мессенджердагы төркемдә тавыш бирү оештырган.

«Честный репортаж» телеграм-каналында хәбәр ителгәнчә, Уфа гимназияләренең берсендә тавыш-гауга купкан: бер укучының әнисе балалар һәм ата-аналар тарафыннан улының буллингка дучар булуына зарланган. Соңгылары фикеренчә, малай яшьтәшләре белән сугыша, әмма баланың әнисе сыйныфташлары аны махсус рәвештә конфликтка котырта дип саный.

Баланы ата-аналар чатында тикшереп кенә калмыйлар, «соң булганчы дәваларга кирәк» дигән киңәшләр дә бирәләр икән. Малайның әнисе сыйныф җитәкчесе, башка ата-аналар, директорның тәрбия эшләре буенча урынбасары белән мәсьәләне хәл итәргә тырышып караган, әмма хәзер, күрәсең, тикшерүчеләргә дә мөрәҗәгать итәргә туры киләчәк.

Фото:стоп-кадр видео «Честный репортаж», телеграм