Карлы юлда автобус ауган

Бүген иртән Башкортстанның Уфа районында пассажир транспорты катнашлыгында юл-транспорт һәлакәте булган. Башкортстанның ГАИ мәгълүматлары буенча, «Ютонг» автобусы руле артында 57 яшьлек йөртүче, Алексеевка — 8 Март автомобиль юлы буйлап барганда, идарә итүне югалткан һәм кюветка төшеп китеп ауган.

Автобусның «Олы Устьикин авылы – „Карагай“ шифаханәсе — Уфа шәһәре» маршруты буенча хәрәкәт итүе билгеле, салонда водитель үзе генә булган, ул зыян күрмәгән.

Һәлакәт урынына Дәүләт автоинспекциясе хезмәткәрләре килгән, булган хәлнең барлык шартлары ачыклана.

Фото:ГАИ РБ