Өч бертуган өчен әти-әни эзлиләр

Өч бертуган Елена, Александра һәм Карина— һәркайсы ярдәм итәргә әзер булган, кайгырта һәм илһамландыра торган чын команда.

2018 елда туган Елена, сеңелләрнең төпчеге. Үзе кечкенә булуга карамастан, зур йөрәкле кыз булуы әллә каян күренеп тора. Ул әдәпле, тыңлаучан, тирә-юньдәгеләргә игътибарлы. Елена ярдәм итәргә ярата һәм һәрвакыт үтенечләргә бик теләп җавап бирә. Балалар белән шатланып уйный, рәсем ясарга ярата, башкалар белән бик тиз уртак тел таба.

2013 елда туган Александра — бу кечкенә гаиләнең тыныч көче. Ул нечкә күңелле булса да, бик чыдам кыз. Бик пөхтә һәм үзаллы, ул өлкәннәргә хөрмәт белән карый һәм үзен дә, якыннарын да яклый белә. Укырга, рәсем ясарга, конструкторлар җыярга һәм балалар белән уйнарга ярата.

Карина, өлкән апалары, 2011 елда дөньяга килгән. Акыллы, тыныч, уйчан. Ул тәртип ярата, өлкәннәргә булыша, кечкенәләр турында кайгырта белә һәм буш вакытын рәхәтләнеп китаплар укып яисә рәсемнәр ясап үткәрә. Ә тагын Карина — һәрвакыт ярдәм итәргә, тыңларга, кирәкле сүзләр табарга әзер.

Аларның һәркайсы үзенчә үзенчәлекле, ләкин бергә — алар көч. Аларда чын гаилә җылысы, сакчыллык һәм кайгыртучанлык сизелеп тора.

Гаилә — ул сине яраткан, көткән һәм аңлаган урын. Ә бу кызларның эчендә инде якыннарына бүләк итәргә әзер булган игелек яши.

Бертуганнарны, Русия законнарына ярашлы, аерырга ярамый.
Тулырак мәгълүматны (347) 218 03 62 номеры буенча алырга мөмкин.

Фото: Гаилә, хезмәт һәм халыкны яклау министрлыгы сайтыннан.