Түшәмдә елан шуыша...

Уфаның Гражданнарны яклау идарәсе коткаручылары шәхси йортта елан тоткан.

Кичә төнлә Уфа шәһәренең Бердәм диспетчерлык хезмәтенә Нагаево авылында яшәүче бер хатын мөрәҗәгать иткән. Ул йортындагы тарттырылган түшәм эчендә елан шуышып йөрүен хәбәр иткән. Хатын үзе әйтүенчә, ул еланның йортка ничек килеп эләгүен белми, чөнки, үзе әйтүенчә, монда бик сирәк була.

Чакыру адресы буенча Уфа шәһәренең Гражданнарны яклау идарәсе хезмәткәрләре килгән. Еланны түшәмнән алу өчен хуҗаларга люстраны сүтәргә туры килгән. Елан тишеккә башын тыгу белән, коткаручылар аны тотып алганнар. Аннары урманга илтеп, иреккә җибәргәннәр.

Фото: УГЗ по Уфе