“Трассада сабый йөри...”

Кырмыскалы районының Иске Муса авылы янында шаһитлар юл буенда йөгереп йөрүче баланы күреп калганнар. Шаһитлар сүзләренчә, малайга якынча 3-4 яшь, ул сөйләшми. Видеоны UTV редакциясенә җибәргәннәр.

"Туктадык, полиция чакырттык. Хәзер урында көтәбез. Балага су эчердек.  Юындырдык. Пычрак иде", - дип хәбәр иткән алар.

Соңрак билгеле булганча, баланың әти-әнисен эзләп тапканнар. Алар әйтүенчә, улларын югалтып, ике сәгать чамасы эзләгәннәр. Бала ничек трассага килеп чыккан, монысы билгеле түгел. Урынга, шулай ук, ашыгыч ярдәм килгән.

Фото: UTV каналы, видеодан скрин