Уен мәйданчыгына зур агач ауган...

Уфаның Черниковка бистәсендә урнашкан 193 нче балалар бакчасы территориясендә начар һава торышы вакытында зур агач ауган.

Бәхеткә каршы, зыян күрүчеләр булмаган: бу хәл балалар һәм тәрбиячеләр өйдә вакытта, ял көнне булган.

МЧС бу көннәрдә төбәктә көчле яңгырлар, боз явуы, җилнең секундына 20 метрга кадәр җитүе турында кисәтә. Үзегезне, балаларыгызны саклагыз! Җил-яңгыр, яшен вакытында бигрәк тә.

"Көчле җил искәндә һәм яшен вакытында аерым торган агачлар астында, баганалар, мачталар янында яшеренергә, электр тапшыру линияләре терәүләренә, подстанция биналарына якын килергә ярамый", – дип искәрттеләр ведомствода.

Фото социаль челтәрләрдән.