Бала туганда әтисен кертмәячәкләр

10 августка кадәр Республика перинаталь үзәгендә партнер белән бала тудыруны тыйдылар. Искәрмә контрактчылар өчен генә ясалачак.

Республика перинаталь үзәгендә аңлатуларынча, мондый карар корпусларның берсен санитар-эпидемиологик эшкәртүгә яисә аны юарга ябу белән бәйле. Димәк, икенче корпуста йөкләнеш артачак, һәр бала тудыру залында берьюлы икешәр бала тудыручы хатын булачак. Хатын-кызларга уңайлы һәм хәвефсез булсын өчен партнерларны кертмәскә карар чыгарылган.

"Әлеге карар югарырак оешма кушуы буенча кабул ителде һәм бала тудыручы хатын-кызлар агымының артуы белән бәйле. Без сезнең кәефегез кырылуын аңлыйбыз һәм мөмкин булган уңайсызлыклар өчен чын күңелдән гафу үтенәбез", – диелә хәбәрдә.

Автор фотосы.