Суга батканда коткарып өлгергәннәр

Кичә, 3 августта, күлдә бата язганда 6 яшьлек баланы коткарганнар.

Бу хәл Салават шәһәренең 30нчы бакчачылык ширкәтеннән ерак булмаган күлдә булган. Шаһитлар суга батканда 6 яшьлек кызны коткарган.

Гадәттән тыш хәлләр министрлыгының Башкортстан буенча Баш идарәсеннән хәбәр итүләренчә, баланы ашыгыч рәвештә Салават шәһәре дәваханәсенең реанимация бүлегенә китергәннәр.

Урында оператив-тикшерү чаралары үткәргәннәр. Булган хәлнең барлык сәбәпләре ачыклана.

Фото: МЧС по РБ