Янә үсмер, янә мотоциклда

Бүген төнлә Уфада мотоцикл руле артында үсмер юл-транспорт һәлакәтендә зыян күргән. Авария башкаланың Бакалы урамында булган.

Башкала буенча Дәүләт автоиспекциясе мәгълүматлары буенча, «Субару Форестер» водителе сул якка борылганда каршы яктан килгән «Шайнари» мотоциклы белән бәрелешкән. Нәтиҗәдә 17 яшьлек мотоцикл йөртүче күпсанлы тән җәрәхәтләре белән дәваханәгә озатылган. Юл-транспорт вакыйгасы буенча административ тикшерү бара.

Фото: ГАИ ТГ