Баланың башы ял итсен!

Көзге каникуллар чорында балага тиешенчә ял итәргә, шулай ук уңай хис-кичерешләрне күбрәк алырга кирәк. Бу хакта укучылар өчен рәсми ял итүнең беренче көнендә, 25 октябрьдә, балалар психологы Наталья Наумова белдерде.

"Каникуллар – балаларның уку эшчәнлегеннән башка нәрсә турында да уйлый алсын өчен бирелгән махсус вакыт. Каникулларда балага ял итәргә һәм якты тәэссоратлар, истәлекләр алырга кирәк, алар аның өчен катлаулы мизгелләрдә үзенчәлекле таяну булачак ", — дип белдерде ул “Газета.гu" басмасына.

Катлаулы чорларга эксперт шәхси уңышсызлыкларны, шулай ук уку процессында барлыкка килә торган кыенлыкларны, шул исәптән контроль эшләрне дә кертте. Шуңа бәйле рәвештә, ул ассызыклаганча, каникул вакытында алынган көчләр балигъ булмаган балага стресска чыдамрак булырга мөмкинлек бирәчәк. Наумова балага сәфәрләр, музейларга, театрларга һәм кинотеатрларга бару яисә дуслары һәм туганнары белән вакыт үткәрүне оештыру өчен аның кызыксынулары турында сорашырга киңәш итте.

“Спорт элементларын, аквапаркка походларны, бала үрмәли дә, йөгерә дә, сикерә дә, йөзә дә ала торган ниндидер урыннарга барырга кирәк. Һәм ата-ананың баланы игътибар, ярату, кайгырту белән чолгап алуы мөһим”, — дип өстәде ул.

Әгәр бала укуда артта кала икән, психолог фикеренчә, белем бирү дәресләрен көненә бер сәгатьтән артык вакытны алмаслык итеп оештыру мөһим.

Автор фотосы.