Шкаф астында калган...

Уфаның Гражданнарны яклау хезмәте коткаручылары 85 яшьлек хатынны коткарган. Әбекәйнең өстенә аш-су бүлмәсендәге шкаф ауган.

Октябрь проспектындагы фатирда яшәүче өлкән яшьтәге хатын бик озак телефонны алмагач, якыннары борчылып чаң суккан. Фатирда ут яна, ә ул ишекне ачмый.

Коткаручылар оператив рәвештә чакыру буенча килеп, ишекне ачканнар. Өлкән яшьтәге кеше, өстенә шкаф ишелеп төшеп, идәннән тора алмыйча яткан.

Вакытында күрсәтелгән ярдәм аркасында аның гомерен саклап калганнар.

Фото: УГЗ