9 яшьлек баланы да үзләре белән алганнар...

Гадәттән тыш хәлләр буенча дәүләт комитеты коткаручылары Нуриман районында кар машиналарында урманда бәлагә тарыган ике иргә һәм балага ярдәм иткәннәр.

Кичә кич өч кеше: әти кеше, аның 9 яшьлек улы һәм аларның гаилә дусты кар машиналарында урманга йөрергә киткән. Таныш маршрутта алар карга кереп батканнар. Үзаллы чыга алмагач, ашыгыч хезмәтләргә ярдәм сорап мөрәҗәгать иткәннәр.

Урынга килгән коткаручылар ир-егетләргә кар “тозагыннан” чыгарга ярдәм иткәннәр һәм аларны юлга кадәр озатканнар. Бәхеткә, беркемгә дә медицина ярдәме кирәк булмаган.

Коткаручылар кышкы актив ял яратучыларга мөрәҗәгать итә:

“Кар машинасында сәфәргә чыкканчы, үз маршрутыгызны җентекләп өйрәнегез һәм планлаштырыгыз. Хәрәкәт иткәндә тирән һәм йомшак карлы урыннардан качарга тырышыгыз, бу исә хәрәкәтне катлауландырырга һәм юлны җиңә алмаслык киртәгә әйләндерергә мөмкин.

Ашыгыч хәл килеп чыккан очракта 112 номерына шалтыратыгыз!”

Фото: Гадәттән тыш хәлләр буенча дәүләт комитеты матбугат хезмәте