Даниил белән Дарина әти-әниле булсын!

Һәр баланың аны көтеп, хуплап һәм ышанып торган якын кешеләре, яшәгән урыны булырга тиеш. Әмма кайбер балалар һаман да үз йортын, гаиләсен, якын кешеләрен эзли.

Бертуганнар — Даниил белән Дарина да бер гаиләдә яшәргә һәм әти-әни табарга тели.

Даниилга 12 яшь. Ул бик акыллы, кызыксынучан, үз фикерләрен төгәл әйтә белә һәм һәрвакыт үз фикере бар. Мәктәптә ул яхшы укый, ә коллективта еш кына лидерлык сыйфатларын күрсәтә. Рәхәтләнеп волейболга йөри. Ләкин иң мөһиме — ул сеңлесен ярата, аның турында кайгырта һәм бер-берсеннән аермасыннар дип борчыла.

10 яшьлек Дарина— актив, дустанә кыз. Ул биергә, конкурсларда һәм бәйрәмнәрдә катнашырга ярата. Һәркайда өлгерә: мәктәптә дә яхшы укый, иҗатта да ачыла. Дарина абыйсына бик нык бәйләнгән, алар чын команда — бер-берсенә таяныч һәм ярдәм.

Бу искиткеч балаларга аларны кабул итәчәк, яратачак, аңлаячак һәм ярдәм итәчәк гаилә бик кирәк.

Дуслар, сез дә бу бертуганнарга гаилә табарга ярдәм итә аласыз. Моның өчен бары тик “ВКонтакте”дагы үз битегезгә репост ясарга гына кирәк.

Балаларның әти-әни канаты астында, гаилә җылысы тоеп үсүләрен телик!

Бертуганнарны, Русия законнарына ярашлы, аерырга ярамый.

Тулырак мәгълүматны (347) 218 03 62 номеры буенча алырга мөмкин.

Фото: Гаилә, хезмәт һәм халыкны яклау министрлыгы сайтыннан.