Яннарыннан узып китмәгән...

Балыкчылык ресурсларын саклау инспекторы УАЗ машинасында Дим елгасында кар әсирлегенә эләккән ике гаиләне коткарган.

Чишмә районында балыкчылык ресурсларын саклау инспекторы Константин Ламзутов автомобильләрдә Дим елгасы буенда көрткә кереп баткан ике гаиләне коткарган.

Ике гаилә, балалары белән бергә, Дим буена балык тотарга килгән. Ләкин көчле буран аркасында аларның автомобильләре көрткә чума, бензиннары бетү дәрәҗәсенә якынлаша, машинада балалар да булгач, якындагы торак пунктка барып булмый.

Якынча 18:00 сәгатьтә Константин Ламзутов УАЗ машинасында елга буен патрульләгәндә машиналарны күреп ала. Инспектор алар яныннан узып китми, юлны чистартырга булыша һәм машиналарны юлга кадәр озата бара.

Бәлагә таручы кешеләр аңа битараф булмавы һәм оператив ярдәме өчен зур рәхмәт белдергәннәр.

Һава торышы начар булган көннәрдә мондый сәфәрләрне кичектереп торыгыз, балалар иминлеге беренче урында булырга тиешлеген онытмагыз!