Айназ белән Коля әти-әни тапкан

Бәләбәй “Гаилә" районара үзәгендә тәрбияләнүче Айназ һәм Коляның иң бәхетле көннәре, алар яңа гаилә тапкан.

Малайлар үзләре әлегә кадәр тәрбияләнгән үзәктәге дуслары һәм белгечләр белән җылы итеп саубуллашканнар: кочаклашып, мөһим сүзләр әйтеп, элемтәдә торырга килешкәннәр. Коллектив өчен бу һәрвакыт үзенчәлекле мизгел — балалар өчен шатлык һәм бер үк вакытта дулкынлану хисләре кичерәләр.

Айназ белән Коляга яңа урынга тыныч кына ияләшүләрен, үз өйләрендә хис итүләрен, өлкәннәр янында ышаныч табуларын телибез. Әти-әниләренә исә сабырлык, үзара аңлашу һәм җылы гаилә мөнәсәбәте телисе килә.

Башкортстанда ятим балаларны һәм ата-ана тәрбиясеннән мәхрүм калган балаларны гаиләгә урнаштыру буенча системалы эш алып барыла. Узган елда 1183 бала гаиләләргә урнаштырылган. Төбәк белешмәләр банкында исәптә торучы балалар саны да кими: 2025 елның 31 декабренә — 547 бала, бу алдагы ел белән чагыштырганда 12,9 процентка кимрәк. Соңгы биш елда бу күрсәткеч 53 процентка кимегән.

Балаларны үз гаиләләренә кайтару эше дәвам итә. 2025 елда республикада 32 әти-әни  ата-ана хокукларын кире кайтарган (2024 елда андыйлар 27 булган).

Мондый очракларның арта баруы бик мөһим күренеш. Һәр бала үз гаиләсендә, туганнары янында үсәргә тиеш.

Фото: Гаилә, хезмәт һәм халыкны яклау министрлыгы сайтыннан.