Сөрем газы белән агуланганнар

Прокуратура Яңа Черкассы авылында гаиләнең сөрем газы белән агулау очрагы буенча тикшерү үткәрә. Күзәтчелек ведомствосының беренчел мәгълүматлары буенча, 19 апрельдә яну газы белән агулану билгеләре булган ике кечкенә бала, шулай ук аларның әниләре медицина учреждениесенә китерелгән. Барлык зыян күрүчеләргә кирәкле ярдәм күрсәтелгән.

Орджоникидзе районы прокуратурасы булган хәлнең сәбәпләрен ачыклый. Нигезләр булган очракта прокурор чараларын кабул итү мәсьәләсе хәл ителәчәк.

Башкортстанның сәламәтлек саклау министры Айрат Рәхмәтуллин хәбәр итүченчә, стационарда караганнан соң әниләре госпитализациядән баш тарткан, кечкенә пациентлар дәваханәдә. Табиблар аларның хәлен уртача авырлыкта дип бәяли. Аларның гомерләренә куркыныч янамый.

Автор фотосы.