Базда качып утырган

Аскын районында баласына алимент түләмәүче 40 яшьлек әти кеше приставлардан базга качкан.

Ир-ат түләүдән озак качып йөргән, эзләүгә игълан ителгән. Приставлар адрес буенча килгәч, ирнең әти-әнисе аның кайда икәнен белмибез, дигәннәр. Ләкин идән астында телефон шалтыравы ишетелгән. Пристав базның бераз ачылып торган капкачын күреп калган - ир тозланган яшелчәләр тезелгән банкалар һәм бәрәңге тутырылган капчыклар арасында утырган.

Бурычлы кеше каршылык күрсәтүгә карамастан, аны бүлеккә китергәннәр. Административ беркетмә төзегәннәр, суд 10 тәүлеккә арест билгеләгән.

Фото:нейрочелтәрләрдән