Бәла сорап килми...

Башкортстанда янгын хәбәрчесе күпбалалы гаиләне коткарган.

17 май иртәсендә Әбҗәлил районының Ишбулды авылында янгын чыккан. Күпбалалы гаилә яши торган йорт яна башлаган. Гадәттән тыш хәлләр министрлыгының Башкортстан буенча Баш идарәсе матбугат хезмәтендә хәбәр итүләренчә, ут чак кына фаҗигагә китерми калган. Гаиләне янгын хәбәрчесе коткарган. Ул хәбәр биреп, барысын да уяткан.

Гадәттән тыш хәлләр министрлыгы янгын сүндерүчеләре һәм Хәлил авыл Советы волонтерлары янгынны сүндергәннәр. 26 яшьлек ир кеше зыян күргән — ул бераз тән пешүләре алган, әмма дәваханәгә салудан баш тарткан. Янгын күпбалалы гаиләнең йортына һәм милкенә зыян китергән.

Янгынның сәбәпләрен Гадәттән тыш хәлләр министрлыгы белгечләре ачыклый.

Фото: Гадәттән тыш хәлләр министрлыгының Башкортстан буенча Баш идарәсе матбугат хезмәте