Аның да гаилә җылысында үсәсе килә...

Бүген сезне Вәлимә исемле искиткеч кыз белән таныштырабыз, дуслар. Аңа 8 яшь. Вәлимә ачык йөзле, игелекле һәм бик кызыксынучан булып үсә. Ул яшьтәшләре белән уртак телне җиңел таба, аралашырга ярата һәм һәрчак кызыксынып уеннарда һәм чараларда катнаша.

Вәлимәнең дуслары күп. Ул бик теләп хәрәкәтчән уеннарда уйный, актив ял ярата һәм беркайчан да бер урында утырмый. Сәләтле кыз рәсем ясау белән дә мавыга. Аңа сюжетлар уйлап табу, төсләр сайлап алу һәм үз фантазиясен кәгазьгә күчерү ошый.

Вәлимә яңалыклар белән кызыксынып тора, барысын да белергә тырыша, күп сораулар бирә һәм үз тәэссоратлары белән башкалар белән дә шатланып уртаклаша.

Һәр бала кебек үк, ул да янәшәсендә өлкәннәрнең булуын, аларның кайгыртуын тоясы, үз уңышлары белән уртаклашасы һәм өйдә аны һәрвакыт көтеп торуларын һәм яратуларын беләсе килә.

Бәлки, нәкъ менә сезнең гаиләгез аңа ярдәм итә, уңышларына шатлана һәм бергәләп бәхетле киләчәк төзи торган Вәлимәнең туган йорты була алыр.

Вәлимәгә аны хуплаячак һәм гадәти көндәлек мизгелләрдә янәшә булачак гаилә кирәк.

Бу бала турында танышларыгызга сөйләгез яисә бу постны социаль челтәрләрдә таратыгыз, дуслар. Кем белә, бәлки аның булачак әти-әнисе бу юлларны укыр.

Опекун яки попечитель булу мөмкинлекләре турында тулырак мәгълүматны (347) 218-03-62 телефоны буенча белергә мөмкин.

Фото: Гаилә, хезмәт һәм халыкны социаль яклау министрлыгы сайтыннан.