Балаларны су буена үзләрен генә җибәрмәгез...

Бүген көндез Байморза авылында фаҗига булган. Буадан 12 яшьлек баланың гәүдәсен чыгарганнар. Булган хәлнең шартлары ачыклана, оператив-тикшерү чаралары үткәрелә. Баланың туганнары белән психолог эшли. Бәхетсезлек очрагы булган урын коену өчен җиһазландырылмаган.

Гадәттән тыш хәлләр минстрлыгының Башкортстан буенча Баш идарәсе кисәтә:

Әти-әниләр һәм өлкәннәр!

Йөзә белсәләр дә, балаларыгызны сулыклар янында беркайчан да караучысыз калдырмагыз.

Җиһазландырылган урыннарда гына коеныгыз – рәсми пляжларда, кисәтүче билгеләр, су төбе тикшерелгән, коткаручылар кизү тора. Кыргый сулыкларда яшерен куркынычлар сагалый: чокырлар, салкын чишмәләр, агач тамырлары, көчле агым.

Балаларга хәвефсезлек кагыйдәләрен аңлатыгыз: өлкәннәрдә башка суга кермәскә, ялгыз йөзмәскә, таныш булмаган урыннарда чуммаска, бәла-каза турында ялган сигналлар бирмәскә.

Балаларны кечкенәдән йөзәргә өйрәтегез – бу исән калуның төп күнекмәсе.

Әгәр сез бәхетсезлек очрагына шаһит булсагыз, кичекмәстән 101, 112 телефоннарына шалтыратыгыз.

Сезнең уяулыгыгыз – балаларыгызның иминлеге нигезе ул!

Фото: МЧС по РБ