Өлкәннәрдән башка су коенырга килгән

Кичә башкаланың Кашкадан күле пляжында 2017 елда туган бала тирәнлеккә йөзеп кергән һәм бата башлаган. Рәсми коену урынында дежур торучы коткаручылар шунда ук ярдәмгә ташланган — малайны ярга чыгарганнар.

Уфаның Гражданнарны яклау идарәсе мәгълүматы буенча, балага медицина ярдәме кирәк булмаган.

Ведомствода баланың су буенда үзе генә булуын ассызыкладылар, һәм ата-аналарга балаларны хәтта җиһазландырылган пляжларга да үзләрен генә җибәрергә ярамавын искәрттеләр.

Фото: bashinform.ru