Алимент буенча бурыч мирас буенча күчә аламы?

Мирасны кабул иткән варис мәрхүм кеше өчен алимент түләүне дәвам итәргә тиеш түгел. Әмма бурычлының үлеменә кадәр җыелган алимент бурычы вариска күчәргә мөмкин.

Бу турыда РИА Новостига “Стратегия” хокукый бюросы генеральный директоры Геннадий Карпов сөйләгән.

Юрист сүзләренчә, үлгән кешенең шәхесе белән аерылгысыз йөкләмәләр мирас итеп алынмый. Алар, шул исәптән, алимент түләү буенча киләчәктәге бурычлар, сәламәтлеккә китерелгән зыянны компенсацияләү һәм башка шәхси йөкләмәләр.

Шул ук вакытта, кеше исән вакытта алимент буенча җыелган бурыч аның үлеме белән юкка чыкмый. Әгәр варис мирасны кабул итсә, әлеге бурыч аңа күчәргә мөмкин.

Варис мирасны бөтенләй кабул итмәсә, аңа мәрхүмнең милеге дә, бурычлары да күчми, дип аңлатты Геннадий Карпов.

Автор фотосы.