Начар билге өчен тиргәмәгез!

Ата-аналарга балаларга мәктәптә алган начар билгеләр өчен ачуланырга кирәкми, чөнки икеле үзе үк алар өчен җитди стресс һәм җәза формасы булып тора. Бу хакта “Pravda.Ru”га гаилә психологы, әкият-терапевт Наталья Морозова сөйләгән. Табиб билгеләвенчә, заманча бәяләү системасы еш кына һәр баланың шәхси үзенчәлекләрен һәм сәләтләрен исәпкә алмый. Аның сүзләренчә, конкрет предметка сәләте булмау кешегә башка өлкәдә осталыкка ирешергә комачауламый. Шул ук вакытта дәресләрдә мәгълүматның артык күп булуы укучыларны артык йөкләнеш китерә һәм аларга үзләренең көчле якларын үстерүгә игътибар тупларга комачауларга мөмкин.

"Әгәр аңлы ата-ана баланың көчле ягы, сәләте нәрсәдә икәнен аңласа, ул барлык предметларда да яхшы булу мәҗбүри түгеллеген күрәчәк. Югыйсә бала барлык өлкәдә дә уртача булып, бернәрсәдә дә уңышка ирешә алмаячак", – ди Морозова.

Психолог ассызыклавынча, барлык предметлар буенча да уңышка ирешү омтылышы бер үк вакытта артык киеренкелеккә китерә.

Автор фотосы.