Герой-аналар 1 миллион сумны автомат рәвештә ала башлый

2027 елның 1 гыйнварыннан "Герой-ана" исеменә ия булган хатын-кызлар 1 миллион сумны Социаль фонд аша автомат рәвештә ала башлаячак. Бу хакта Дәүләт думасы депутаты Владимир Исаков  ТАССка сөйләгән.

 Элек моның өчен документлар җыярга кирәк иде, ләкин хәзер барысы да актив рәвештә барачак - гаризаларсыз һәм раслауларсыз. Бүләкләү турындагы указга кул куелгач, система моны үзе күрә, һәм хатын-кызга берни дә исбатларга кирәкми, дип аңлаткан ул.

"Герой-ана" исемен 10 һәм аннан да күбрәк бала тудырган һәм тәрбияләгән өчен бирәләр. Аның белән бергә орден тапшыралар һәм 1 миллион сум акча түлиләр.

 Моннан тыш, агымдагы елның 1 гыйнварыннан “Герой-ана” исемен йөртүчеләргә яңа ташламалар барлыкка килде: чираттан тыш бушлай медицина ярдәме, рецептлар буенча бушлай дарулар, торак-коммуналь хуҗалык өчен түләүдән азат итү, транспорт һәм юл йөрүгә ташламалар, шулай ук бушлай һөнәри белем бирү.

Моннан тыш, закон нигезендә аларга ташламаларны натураль рәвештә алу урынына ай саен 72 403,79 сум күләмендә түләү алу мөмкинлеге дә бирелә. Бу сумма ел саен индексацияләнә.

Автор фотосы.