Ике машинада да балалар булган

Бүген Белорет районында коточкыч юл-транспорт фаҗигасе булган. Бер кеше авария урынында үлгән, дүртесе, шул исәптән өч бала җәрәхәтләнгән.

Стәрлетамак-Белорет-Магнитогорск автомобиль юлының 194нче чакрымында ике җиңел автомобиль бәрелешкән: Toyota RAV4 һәм Hyundai Elantra.

Русия Гадәттән тыш хәлләр министрлыгының Башкортстан буенча Баш идарәсеннән хәбәр итүләренчә,  юл-транспорт һәлакәте нәтиҗәсендә бер кеше үлгән, дүрт кеше зыян күргән, шуларның өчесе – 8, 10 һәм 13 яшьлек балалар. Зыян күрүчеләрне автомобильләрдән чыгарганнар, урында беренче ярдәм күрсәтеп, дәваханәгә озатканнар.

Юл-транспорт фаҗигасенең шартлары ачыклана. Урында ДАИ хезмәткәрләре эшли.

МЧС хезмәткәрләре водительләрне кисәтә:

-маневрның хәвефсез булуына ышанмыйча узып китмә,

-тизлек режимын сакла,

-каешларны эләктер, бу синең һәм якыннарыңның гомерен саклап калыр.

Фото: МЧС по РБ